A MAXIA DO CIRCO CHEGA AO TEATRO COLÓN DA MAN DE ELEGANTS

Este domingo 30 ás 19:00 horas a compañía Elegants presenta ‘Cabaret Elegance’, unha orixinal e premiada proposta que mestura circo e humor. A función está coorganizada polo programa Platea do INAEM e foi recoñecida con diversos premios entre os que destacan o Premio do Público no Festival de Buitengewoon (Holanda) ou o Premio do Xurado no Festival Mueca (Tenerife). É, ademais, un espectáculo recomendado pola comisión de circo da Red Española de Teatros.

trape4reduit

‘Cabaret Elegance’ é un sorprendente espectáculo con escenografía orixinal e unha coidada posta en escena a través da que se suceden números circenses de gran nivel. A proposta combina diferentes técnicas de circo como o trapecio, os números de equilibrio, o mastro chino, o monociclo ou os malabares, todo co humor como fío condutor.

10351824_565509166899935_9147246702716336035_n

Elegants formouse en 2011 cando catro artistas de circo cunha longa traxectoria profesional se unen para traballar xuntos. Adriano Marçal ‘Dico’, Ramiro Vergaz, Ignasi Gil e Jordi Juanet ‘Boni’ son os compoñentes desta recoñecida compañía que ten como obxectivo principal crear espectáculos de circo de alta calidade coa elegancia e o humor como características principais. A partir das súas disciplinas individuais traballan na busca intensa de cada unha das súas especialidades e na esixencia dunha coidada dirección de escena.