O actor Xosé A. Touriñán e os doutores en Psicoloxía Antonio Rial, Manuel Isorna e Patricia Gómez completan a experiencia teatral de Fariña cunha conversa participativa dirixida a adolescentes e as súas familias.

Ás tradicionais formas de consumo de drogas únense hoxe novas adiccións: redes sociais, apostas, videoxogos… Coñecer e entender os seus efectos axuda á toma de decisións. Touriñán, acompañado por tres expertos e por parte do equipo do espectáculo teatral, leva ás táboas a realidade das adiccións de hoxe nun proxecto en colaboración coa Deputación da Coruña.