30 ANIVERSARIO AMNISTÍA INTERNACIONAL CORUÑA

Amnistía Internacional Coruña organiza un concerto de carácter solidario con motivo do 30 aniversario do grupo local e 40 de AI España. De maneira altruísta, o grupo de folk DOA ofrece un concerto cunha entrada-donativo que terá unha duración aproximada de 120 minutos, nos que se realizará unha pequena introdución do labor de Amnistía Internacional e a presentación do grupo. Deste modo, o evento pretende, ademais de recadar fondos, dar a coñecer a actividade que realiza Amnistía Internacional no ámbito tanto local como nacional e internacional.