• Martes, 28 de Outubro de 2014 | 20:30

E se puidésemos pasar unha hora de leria con Castelao mentres está a escribir unhas supostas memorias da súa vida? Qué nos contaría? Nesta viaxe da man do célebre autor descubriremos a súa obra dentro da súa vida: do Castelao neno na Pampa arxentina, ao mozo que se achegaba ao teatro e a caricatura na universidade, do abandono da medicina ás inquedanzas que lle producía o estado no que se atopaba a Galiza na que viviu, reflectida na súa obra gráfica e literaria, do desterro a Badajoz primeiro e a Arxentina despois ata o último Castelao. autor de teatro con Os vellos non deben de namorarse. Ao longo de pouco menos dunha hora, Castelao cóntanos a súa vida a través dos seus textos, cadros e debuxos; alternando o relato con fragmentos destacados da súa obra. Desde o Castelao político, que defende e loita polo Estatuto de Autonomía, ata o Castelao máis sentimental que retrata a crueza da realidade na que se atopa Galiza; desde o famoso discurso nas Cortes da II República ata un fragmento da súa única obra de teatro, pasando por toda a súa obra: Nós, Retrincos, Os dous de sempre, Sempre en Galiza …