‘Lavar, Marcar y Enterrar’ é unha comedia de balas, caveiras e perrucas. Descúbrenos que a vinganza se serve ao calor dun secador de man e non hai mellor defensa que unha boa tintura. Ensínanos que é doado enterrar o pasado pero moi complicado que este permaneza inmóbil e en silencio nos sotos dun salón de peiteado.

Nun local do barrio madrileño de Malasaña, catro personaxes vense forzados a compartir oitenta metros cadrados durante unha noite de armas sen seguro e perigosos recordos. Lucas e Verónica, dous frustrados aspirantes a policía nacional, conviven durante horas con Gabriela e Fernando, ela a orgullosa dona do salón de peiteado Cortacabeza e el o seu mellor pero máis neurótico empregado.

Por que as pantasmas non teñen pelos na lingua cando contan as súas miserias? Por que intentamos alisar o noso futuro cortando só as puntas? Conseguen prendedores do pelo, bigudís e rolos rizar un argumento? Pode un salvarse da verdade polos pelos? É necesario que o pelo estea húmido para cortar polo san co pasado?

Aínda que ‘Lavar, cortar y enterrar’ pretende contestar a todas estas preguntas tamén ten a intención de que os espectadores que cada noite asistan a cada función sexan inmensamente felices durante o tempo que estean violentamente secuestrados no noso salón de peiteado.