Prezo: ANTES 21/01/2016: 8 € (VR) / 10 €. A PARTIR DE 22/01/2016: 10 € (VR) / 12 €
Duración: 80 minutos
Idioma: CAS
Calificación: + 12
Duración: 80 minutos
Idioma: CAS
Calificación: + 12
DATAS E HORARIOS
- Sábado, 30 de Xaneiro de 2016 | 20:30
SINOPSE
Todos coñecemos a esa xente á que lle costa dar un ‘bos días’ cando te cruzas con eles no ascensor. Esa xente que vive coa cara acartonada. Esa xente que se puideramos botar unha ollada ao seu diario veriamos que só hai unha liña escrita e o resto das páxinas son unha sucesión de comiñas. Esa xente que aforra sorrisos nunha conta bancaria co saldo negativo … en definitiva, a xente triste.
Son persoas que levan a procesión por fóra. Persoas que lle puxeron unha orde de afastamento á felicidade e a calquera persoa que a padeza. Xente que se pide un ‘sol e sombra’ e só toma a ‘sombra’. Persoas que viven a 35 revolucións por minuto, que se toman unha bebida enerxética e dórmense. Persoas que xestionaron as súas emocións con Photoshop. En definitiva, non se me ocorre outro xeito mellor de denominalos que: xente triste.
Recoñecemos á xente triste. Pero, recoñecemos ao triste que levamos dentro?. Se te fas esta pregunta é que con toda seguridade non o es e por iso liches esta sinopse ata o final.Quero sacar o lado divertido da xente triste. Sen ningunha pretensión, cada un coa súa historia que para iso están os terapeutas. Eu fago comedia e a xente triste merece a súa.
OSWALDO DIGÓN, ‘Gente triste, la comedia’
Oswaldo Digón é un actor, guionista, presentador e monologuista galego cun humor moi teatral. É capaz de escenificar todos os detalles das súas historias.
Actualmente está combinando a representación do seu espectáculo de humor ‘Diálogos EN 3D’ en Madrid, e tamén en Barcelona con ‘Las noches de El Club de la Comedia’.
Comezou a súa carreira como contacontos e máis adiante traballou como actor de teatro profesional. Foi guionista dos programas de humor ‘Tourilandia’ e ‘A Casa da Conexa’ para TVG, pero destaca máis o seu paso polos escenarios, coa realización de espectáculos como ‘Los duguis World Tour’, ‘HAIPOD’, ‘Las noches de monólogos 10’ e ‘La noches de El Club de la Comedia’.
En 2003 gañou o concurso de comedia Fórum Comedia co espectáculo escrito e interpretado por el mesmo ‘Historia da miña Historia’ co que estivo dúas tempadas no Teatreneu de Barcelona.