Miriam Díaz-Aroca protagoniza a comedia ‘Lavar, marcar y enterrar’

O Teatro Colón retoma a actividade a primeira semana de agosto coa comedia ‘Lavar, marcar y enterrar, (historias de una peluquera en serie)’. A montaxe, protagonizada por Miriam Díaz-Aroca, estará en cartel o xoves 4, venres 5 e domingo 7 ás 20:30 horas e o sábado 6 ás 19:00 e ás 21:30 horas.

Escrita e dirixida por Juanma Pina a obra amósanos o complicado que é agochar o pasado. A acción desenvólvese nun local do barrio madrileño de Malasaña, no que catro personaxes se ven forzados a compartir oitenta metros cadrados. Lucas e Verónica –dous frustrados aspirantes a policía nacional- conviven durante dúas horas coa orgullosa dona da perruquería Cortacabeza e o seu empregado máis neurótico.

O proxecto ao que dan vida Miriam Díaz-Aroca – coñecida do gran público polas súas intervencións en programas míticos como o ‘Un, dos, tres’ ou o infantil ‘Cajón desastre’- Juan Caballero, Rebeca Plaza e Mario Alberto Díez naceu co obxectivo de investigar as posibilidades dramáticas dun espazo non teatral, a perruquería Cortacabeza en Madrid foi o enclave escollido.

_MG_0075 (1)

Con motivo da representación de ‘Lavar, marcar y enterrar’ no Teatro Colón o equipo artístico asinará o libro da obra o sábado 6 de agosto na librería Berabiriana (Rúa Santiago, 7. Porta Real) a partir das 13:00 horas.