Cancún é unha COMEDIA CULTA E POPULAR, que combina REFLEXIÓN e RISA, que arranca EMOCIÓNS e GARGALLADAS, ENCHE TEATROS e ten un profundo respecto e LEDICIA.

Cando chegas a certa idade, esa idade na que xa é moi difícil volver a comezar, é posible que nalgún momento, por algún motivo, te preguntes se o conseguiches, se tomaches as decisión correctas, se tes o traballo que desexabas, os amigos que querías, a parella que soñabas. É posible que te preguntes, en definitiva, se conseguiches ser feliz.

Os personaxes desta comedia vanse a Cancún de vacacións. Descansarán, tomarán o sol, coñecerán lugares novos e, ao volver, poderán contalo aos amigos para que lles teñan envexa. Pero, inesperadamente, alí fanse a gran pregunta. Iso faraos máis felices? É iso o que eles esperaban das súas vidas, pasar dez días en Cancún con eses individuos, con esa parella?

Na mocidade tomamos decisións de forma bastante irreflexiva. Non hai outro xeito de facelo. Coñecemos xente, relacionámonos e, un bo día, sentimos que nos namoramos, aínda que non saibamos que significa iso exactamente.

Entón, instalados xa nunha nora que non se detén, seguimos cara diante, casámonos, convivimos, traballamos, temos fillos e, como quen non quere a cousa, dámonos conta de que levamos vinte, trinta anos compartindo a nosa vida con alguén.

Que tería sucedido se en lugar de casarnos con este –ou con esta- nos tivésemos casado con aquel –ou con aquela? Como tería cambiado a nosa vida? Seriamos máis felices? Serve de algo preguntarse isto?

Jordi Galcerán

DOSSIER