Emocións é un espectáculo músico-literario que transforma a poesía de Manuel Curros Enríquez nunha experiencia escénica de grande formato. A través dunha sucesión de pezas musicais, narracións e intervencións corais, a obra percorre as emocións presentes nos versos do poeta do Rexurdimento galego: a dor, a esperanza, a memoria, o amor, a perda ou a celebración. Música, palabra, canto coral, baile tradicional e interpretación únense nunha proposta que achega a obra de Curros ao público contemporáneo desde unha perspectiva artística e emocional, convertendo a poesía nunha experiencia viva e compartida.

• Música orixinal: Manuel Alejandro López Pérez
• Texto narrativo: Baldo Ramos
• Dirección musical: Miguel Pérez Lorenzo
• Participan:
  -Banda Municipal de Música de Celanova
  -Coral de Ruada
  -Coro Cidade de Vigo (ONCE)
  -Coro da Escola Municipal de Música de Vigo
  -Coral Polifónica Solpor de Celanova
  -Rebulir Cultura Tradicional Solistas vocais e instrumentais