Cando nace Liberto a vida de Ada frea en seco. Dende unha sala de espera vivirá a experiencia máis determinante da súa vida.

Liberto é un canto á vida dende a primeira persoa interpelando directamente ao público. Unha reivindicación do imperfecto, do humano.

Un texto e unha proposta formal asentada nas atmósferas sonoras que falan da vida, do sensorial e instintivo.

Un espectáculo que revisa os límites socialmente acordados. Un relato honesto de como xestionar a dor e de como seguir avanzando. Un proceso pegado ao primitivo, á conexión co noso animal, e por iso, contra todo pronóstico, cheo de vitalidade.

REPARTO

• Rocío González
• Cris Iglesias
• Lucía Aldao

EQUIPO ARTÍSTICO E TÉCNICO

• Música: Lucía Aldao
• Autoría: Gemma Brió
• Asesoría coreográfica: Rut Balbís
• Escenografía e iluminación: JM Faro, Coti
• Dirección: Tamara Canosa