Máis información: comunicacion.colon@dacoruna.gal

Talía Teatro

‘Bicos con lingua’ é un espectáculo que nace dun forte sentimento de amor cara a algo tan propio como é a nosa lingua. Non se trata en ningún momento dun exercicio de victimismo, nada máis lonxe da nosa intención, senón de afondar nun problema real e certamente preocupante.

Así, pretendemos que esta montaxe supoña para o espectador unha experiencia de redescubrimento dunha lingua que existe e que medra na súa inmensa riqueza, a pesar dos usos e abusos aos que está sometida acotío.