Khitara é unha agrupación cunha concepción instrumental apartada do convencional: dúas guitarras eléctricas, dúas clásicas, e instrumentos de percusión debuxan unha sonoridade moi orixinal na que a dozura e amabilidade dos instrumentos clásicos contrastan coa potencia e enerxía das guitarras eléctricas fusionándose nun proxecto cheo de matices. Cada tema que Khitara interpreta soa íntimo, cercano, acústico e está aderezado con arranxos coidadísimos nos que Jose Carballido explota ao máximo cada instrumento.

O repertorio abarca desde temas orixinais de Carballido até versións de clásicos do rock reinventados para esta orixinal formación. Algúns dos grupos que reinterpretaron ou reinterpretan na actualidade son: Deep Purple, Led Zeppelin, Cream, Boston, Queen, Guns and Roses, Metallica…