Abubukaka embárcase neste proxecto chamado ‘La Familia Tradicional‘ coa intención de explorar novos camiños satíricos, caricaturescos e, por suposto, humorísticos. Se ben ata o de agora Abubukaka viña caracterizándose por sacar punta á realidade a través de sketchs independentes dispostos en secuencia, ‘La Familia Tradicional’ dá asilo a todo o xenio para escachar coa risa da compañía na mesma liña argumental.
Esta liña somerxe nas profundidades desta España nosa, que tantas rémoras do pasado arrastra, para sacar a flote as reliquias sociais do século XX ibérico e reflectilas no espello cóncavo da recén estreada España de Felipe VI. Hai conflitos territoriais a ritmo de rumba, poderes fácticos sedentos de romarías, interrupcións voluntarias do embarazoso, primarias para primos, asemblearios en asembleas asemblearias, peinetas electorais, plataformas con purpurina, sombras de cruces e cruce que está en vermello.
Unha visión disparatadamente comprometida da historia da actualidade, unha historia que comeza cos preparativos de benvida ao novo sol e remata dun xeito que non adiantaremos pero que implica ter suado a camisa.
LA FAMILIA TRADICIONAL. Abubukaka
Abubukaka embárcase neste proxecto chamado ‘La Familia Tradicional‘ coa intención de explorar novos camiños satíricos, caricaturescos e, por suposto, humorísticos. Se ben ata o de agora Abubukaka viña caracterizándose por sacar punta á realidade a través de sketchs independentes dispostos en secuencia, ‘La Familia Tradicional’ dá asilo a todo o xenio para escachar coa risa da compañía na mesma liña argumental.
Esta liña somerxe nas profundidades desta España nosa, que tantas rémoras do pasado arrastra, para sacar a flote as reliquias sociais do século XX ibérico e reflectilas no espello cóncavo da recén estreada España de Felipe VI. Hai conflitos territoriais a ritmo de rumba, poderes fácticos sedentos de romarías, interrupcións voluntarias do embarazoso, primarias para primos, asemblearios en asembleas asemblearias, peinetas electorais, plataformas con purpurina, sombras de cruces e cruce que está en vermello.
Unha visión disparatadamente comprometida da historia da actualidade, unha historia que comeza cos preparativos de benvida ao novo sol e remata dun xeito que non adiantaremos pero que implica ter suado a camisa.