Slava Polunin, da familia de Cirque du Soleil, colaborador na creación de Alegría e posiblemente o clown en activo de maior prestixio internacional, trae de novo a España o seu espectáculo máis popular: Slava’s Snowshow.

Slava’s Snowshow é un espectáculo teatral circense, poético e intemporal, que cativou e potenciou, como ningún outro, a imaxinación de públicos de diversos xéneros, crenzas, características e idades. O show é un xénero en si mesmo e permanece tan espontáneo e máxico como o primeiro día, catapultando sistematicamente a cada adulto de volta á súa infancia. Slava’s Snowshow ha reinstaurado a arte do clown, seducindo de novo a aqueles que o descartaban como unha forma anticuada de circo.

O espectáculo é unha caravana de organizado caos, xolda e encanto que, sen descanso, roda polo mundo ofrecendo a todos -mozos e maiores- unha oportunidade de deixar as súas vidas cotiás nas portas do teatro e mergullarse nunha condición de “feliz estupidez”.

É unha escusa para celebrar a vida dun modo disparatado e facer vivir ao público emocións e experiencias moi diferentes na súa hora e media de duración: profunda nostalxia, alegría desmesurada e mesmo momentos de gran incerteza e tensión.

• Autor, creador e director da compañía: Slava Polunin
• Dirección: Slava Polunin e Victor Kramer
• Intérpretes: Artem Zhimo, Aelita West, Yury Musatov, Vanya Polunin, Chris lynam, Andrey Klimak, Dima Merashchi, Dmitry Khamzin
• Escenografía: Slava Polunin e Victor Plotnikov
• Vestiario: Slava Polunin
• Son: Rastiam Dubinnikov e Slava Polunin