Música baixo as estrelas traslada ao teatro o espírito da rúa. Unha gala presentada por Fran Rei e Corina Alfonso que reúne a Sophie Simonds, Asociación AÏS, Kreze, Manu New Orleans Band e o Mago Teto. Un encontro para descubrir artistas que forman parte da vida cotiá, pero que adoitan quedar fóra dos escenarios convencionais. Unha cita con moito humor, música e retranca.