O Reino de Olat esperta cada mañá coa alegría e a felicidade de todas as súas xentes. Pero os cantos e o xúbilo vence interrompidos pola aparición do malvado e desapiadado pirata Dragut quen, coa acuda da  súa torpe pero fiel tripulación, irrompe na fortaleza e secuestra ao Rei ameazando con destruír o castelo se non se lle entrega a cambio mil moedas de ouro no prazo dunha xornada.

A princesa e todos os veciños quedan desolados ante a traxedia acaecida ata que, de xeito inesperado, aparece un heroe que lles ofrecerá toda a súa axuda: o Gato con Botas.

Cun chisco de enxeño e astucia, os nosos amigos descubrirán tamén que o desalmado corsario ten auténtico terror polas pantasmas e, deste xeito, o Gato con Botas poñerá en marcha un estratéxico plan para darlle un bo escarmento ao pirata Dragut e a toda a súa tripulación.