“Serendipia” é o novo espectáculo do ilusionista Martín Varela. No seu novo show, o mago fai unha viaxe ao pasado do ilusionismo empregando a súa propia experiencia no mundo da maxia. Sorpresa e comicidade co público para presentar un novo espectáculo que impresionará a todos e no que fai unha homenaxe a dous grandes mestres da maxia que marcaron o seu camiño: o estadounidense John Calvert e os galegos Lorc & Julit.

Como pode un neno converterse en mago? Esta é a pregunta que Martín tratará de responder subido ao escenario. Nesta ocasión aborda a súa historia persoal: os seus comezos, o seu proceso de estudo, as súas primeiras actuacións… Maxia e risas mestúranse no teatro con “Serendipia”. Ademais, a pesar de ter só 20 anos, escribe, dirixe e idea todos os seus espectáculos.