O Quero Cantar recupera por fin o seu tradicional formato coa celebración da gala final no Teatro Colón. Nela, tres bandas infantís e tres bandas xuvenís seleccionadas en primeira instancia por un xurado de músicos e músicas profesionais deberán interpretar en directo as súas composicións para que un novo xurado, composto agora por mozas e mozos, decida as propostas vencedoras desta sexta edición do certame.

O concerto contará como broche final coas actuacións de Noelia Perpetuo e o dúo Bonhomía, vencedoras na categoría xuvenil da pasada edición do certame.